पाल्पामा भैंसीको लागि पानी पानी तताउन बालेको आगो फैलिएर आगलागी हुँदा लाखौंको धनमाल नष्ट भएको छ ।

पाल्पाको रिब्दिकोट गाउँपालिका–७ डबका बस्ने ४३ वर्षीय कृष्ण रेश्मीको गोठमा आज विहान भैंसीलाई पानी तताउन बालेको आगो फैलिएको हो ।

आगलागीमा करिब ३ तोला बराबरको सुनका विभिन्न गहना तथा लत्ताकपडाहरुसमेत जलेर करिब ७ लाख रुपैयाँ बराबरको धनमाल नष्ट भएको छ ।

ईलाका प्रहरी कार्यालय मुझुङबाट खटिएको प्रहरीको टोलीले स्थानीय वासिन्दाको सहयोगमा आगलागी नियन्त्रणमा लिएको थियो ।

Categorized in समाज