ललितपुरको महालक्ष्मी सडकमा भ्वाङ
SamacharDesk | २०८१ श्रावण ३०, बुधबार
ललितपुरको महालक्ष्मी नगरपालिका– ३ बाक्लोगाँउ चोक अगाडिको सडक भासिएर भ्वाङ परेको छ ।
सडक भासिएपछि महालक्ष्मी नगरपालिका-३ बाक्लोगाउँ चोकभन्दा अगाडि नयाँ पुल-बोझेपोखरी हुँदै इमाडोलतर्फ जाने भित्री सडकमा सवारी आवागमन अवरुद्ध भएको छ ।
केही दिनदेखि परिरहेको अविरल वर्षाका कारण उक्त सडकको झण्डै ३ मिटर क्षेत्र भ्वाङ परेको छ ।
यसअघि राजधानीको काठमाडौँ प्लाजा नजिकको सडक भासिएका कारण सडक अवरुद्ध भएको थियो ।
त्यो सडक निर्माण सम्पन्न हुन तीन महिना लाग्ने सडक विभागले जनाएको छ ।
यस्तै केही महिना अघि सोह्रखुट्टेबाट नयाँबजार जाने बाटोमा पनि सडक भ्वाङ परेर जमेको पानीमा दुई मोटरसाइकलमा सवार दुई यात्रु खसेका थिए ।
Categorized in समाज
