दशैंका लागि हवाई टिकट बुकिङ हुन थाल्यो
SamacharDesk | २०८१ भाद्र २७, बिहिबार
नेपालीहरुको ठूलो चाड दसैँ नजिकीदै गर्दा यात्रुहरुले हवाई टिकट बुकिङ गर्न थालेको छ ।
उसो त हवाई कम्पनीहरुले दशैंका लागि भनेर अग्रिम टिकट बुकिङ गरिंदैन तर यात्रुहरु नै पछि अभाव हुने टिकट महंगो हुने डरले दशैं आउन एक महिना छँदै बुकिङ गर्न थालेका हुन् ।
धेरैजसो पहाडी र दुर्गम क्षेत्रको टिकट बुकीङ हुन थालिएको बताइएको छ । बसको टिकट भने असोज पहिलो हप्तादेखि खुला गर्ने तयारी भइरहेको बताइएको छ ।
एयरलाइन्सहरूले दसैँका लागि भनेर अग्रिम बुकिङ खुलाउँदैनन् तर पछि अभाव हुने र हवाई भाडा महँगो हुँदै जाने डरले यात्रुहरूले दसैँलाई भन्दै अग्रिम बुकिङ थालिसकेका हुन् ।
वायुसेवा सञ्चालक संघका अनुसार अनलाइनबाट सहज रूपमा टिकट पाइने भएपछि अधिकांश हवाई गन्तव्यको टिकट बुकिङ सुरु भइसकेको छ ।
संघका प्रवक्ता मुरारीधर जोशीले दसैँलक्षित अहिले सुगमभन्दा दुर्गम गन्तव्यतर्फको टिकट बुकिङमा यात्रुको चाप देखिएको जानकारी दिनुभयो ।
उहाँका अनुसार दसैँमा सहरबाट गाउँ र विदेशबाट स्वदेश फर्किने यात्रुले आफ्नो गन्तव्यको टिकट लिन सुरु गरिसकेका छन् ।
Categorized in राष्ट्रिय
